Azərbaycanın işğal altındakı Xankəndi və Şuşa şəhərlərində məskunlaşan erməni əhali qorxu içindədir.
TV 713 xəbər verir ki, bu barədə oxu.az sosial şəbəkələrin erməni seqmentinə istinadla məlumat yayıb.
Bildirilir ki, Xankəndi və Şuşada yaşayan ermənilər Azərbaycanın Ordusunun zərbələrindən qorxaraq Ermənistana qaçmağa çalışırlar.
Qeyd edək ki, hazırda Azərbaycan Ordusu əks-hücum əməliyyatları keçirir, Qarabağ cəbhəsində şiddətli döyüşlər gedir.
Bu gün də Azərbaycan Ordusu Talış kəndi istiqamətindəki əlverişli yüksəklikləri düşmən qüvvələrindən təmizləyib. Eyni zamanda Ermənistanın bir neçə canlı qüvvəsini, hərbi texnikaları məhv edilib.
Sentyabrın 27-də isə Azərbaycan Ordusu işğal altında olan yeddi kəndi və Murovdağ silsiləsindəki Murov zirvəsini işğaldan azad edib.