UĞURYOLU.az
“Biz Marşal İrs İnstitutu olaraq minatəmizləmə sahəsində ANAMA ilə əməkdaşlığımızdan çox qürur duyuruq”.
Bu sözləri institutun icraçı direktoru Elis Bekker deyib. O bildirib ki, iki qurum arasında əməkdaşlıqdan 20 il keçir. Bu əməkdaşlıq çərçivəsində Azərbaycanda minaların aşkarlanmasının sürətləndirilməsinə kömək etmək üçün yüksək səviyyəli işlər görən 93 təlim keçmiş minaaxtaran itlərin bağışlanıb. Onun sözlərinə görə, ANAMA bu itləri çox yaxşı idarə edib.
“Bu itlər 17 milyon kvadratmetrdən çox ərazidə axtarış aparıb və bu, 15 mindən çox insana fayda verib. Biz əməkdaşlığımızı davam etdiririk. Təlimdə olan əlavə itlərimiz var ki, bu il Azərbaycana hədiyyə olunacaq. Gələn il daha çox it bağışlamaq planlarımız var. Beləliklə, gələn il bu vaxta qədər bu rəqəm 100-ə çatdırılacaq. Bu əməkdaşlığı davam etdirməkdən çox məmnunuq” - deyə Elis Bekker əlavə edib.