“Hamının bir dəfə pulsuz imtahanda iştirak etmək qaydası qalır. Şərait imkan versə, iki dəfə imtahan keçirərik. Amma bu şərait olmasa və bizə deyilsə ki, bu tarixdə həm buraxılış, həm qəbul imtahanı keçirilsin, onda imtahan bir dəfə olacaq”.
Bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə jurnalistlər üçün keçirdiyi onlayn mətbuat konfransında deyib.
M. Abbaszadə hələlik konkret qərar olmadığını bildirib: “Hələ dəqiqliklə deyilməyib ki, imtahan 1 ay ərzində olmalıdır, yoxsa 2 ayda. Ümidvarıq ki, 2 dəfə keçirə bilərik”.(apa.az)
uguryolu.az
