Rusiya Dövlət Dumasının deputatları Konstitusiyaya ediləcək dəyişiklikləri üçüncü oxunuşda qəbul ediblər.
XəbərTv.info qafqazinfo-ya istinadən xəbər verir ki, sonuncu oxunuşdan sonra keçirilən səsvermədə 383 deputat dəyişikliklərin lehinə səs verib, 43 deputat isə bitərəf qalıb. Əleyhinə səs verən isə olmayıb.
Növbəti mərhələdə Konstitusiyaya ediləcək dəyişikliklər Federasiyalar Şurası və regional parlamentlər tərəfindən təsdiqlənməlidir.
Qeyd edək ki, konstitusiyaya təklif olunan əsas düzəlişlərdən biri deputat Valentina Tereşkova tərəfindən təklif olunan Rusiya Prezidentinin səlahiyyət müddətinə qoyulan məhdudiyyətin ləğvi ilə bağlı olub.
