İspaniya La Liqasında XXIX tur davam edir.
Turun ikinci günündə 3 oyun keçirilib.
Hər üç matç autsayderlərin iştirakı ilə baş tutub. Son üç sırada qərarlaşan komandalar iddialı rəqiblərlə səfər sınaqlarına çıxıb.
“Espanyol” Çempionlar Liqasına düşmək iddiasında olan “Xetafe” ilə görüşüb. Qonaqlar bu matçdan bir xalla ayrılmağı bacarıb.
“Vilyarreal” çətinliklə də olsa “Malyorka”nın müqavimətini qıra bilib. “Leqanes” daha çətin səfər sınağına çıxıb. Çempionatın lideri “Barselona” autsayderin qapısından iki cavabsız top keçirib.
Qeyd edək ki, tura iyunun 18-də yekun vurulacaq.
İspaniya La Liqası
XXIX tur
16 iyun
“Xetafe” – “Espanyol” – 0:0
“Vilyarreal” – “Malyorka” – 1:0
Bakka, 16
“Barselona” – “Leqanes” – 2:0
Fati, 42, Messi, 69 (pen.)(apa.az)
uguryolu.az
