Ötən həftə ölkə ictimaiyyətinin yaddaşında həm də “Azərxalça” ASC-nin İdarə Heyətinin sədri vəzifəsində işləmiş Vidadi Muradovun qanunsuz əməllərinin ifşa olunması ilə qalacaq. Qeyd edək ki,Baş prokurorluğun yaydığı məlumatlarda keçmiş sədrin cəmiyyətin qanunla qorunan əmlak və sair hüquqlarına,habelə qanuni mənafelərinə mühüm zərər vurmaqla vəzifə səlahiyyətlərindən sui-istifadə etdiyi, eləcə də rəsmi sənədlərə bilə-bilə yalan məlumatları daxil etməklə vəzifə saxtakarlığı törətdiyi bildirilirdi.Ardınca Prezident İlham Əliyevin “Azərxalça” Açıq Səhmdar Cəmiyyətinin İdarə Heyətinin sədri Vidadi Muradovu tutduğu vəzifədən azad etməsi barədə sərəncam imzalaması tarix elmləri doktoru, professor,”Şöhrət” ordenli, Əməkdar incəsənət xadiminin bu titullar arxasından nə kimi çirkin işlər gördüyünü ortaya çıxardı.
Qeyd edək ki,Respublika prokurorluğunun yayadığı məlumatlarda sözügedən səhmdar cəmiyyətin 2016-2019-cu illərdəki fəaliyyətinin nəticələri barədə məlumat verilir.Bəs görəsən son bir ildə “Azərxalça” Açıq Səhmdar Cəmiyyəti satınalmalar yolu ilə nə qədər dövlət vəsaiti talayıb?
Aktualinfo.org “Azərxalça” Açıq Səhmdar Cəmiyyətinin son illərdə dövlət satınalmaları yolu ilə həyata keçirdiyi bir sıra tender əməliyyatları ətrafında araşdırmalar aparmışdır.Həmin tenderlərdən bir neçəsini nəzərinizə çatdırırıq.
5 ədəd avto yükləyicilərin satın alınması üzrə 259 600 manat dəyərində satınalma müqaviləsi 16.12.2020-ci il tarixdə “UDT-TEXNİKA” Məhdud Məsuliyyətli Cəmiyyəti ilə bağlanılıb ki,1 ədəd avtoyükləyicinin qiyməti cəmiyyətə 51 920 manata başa gəlib.
5 rayonda Yun və Boyaq bitgilərinin tədarükü məntəqələrində reklam işlərinin görülməsinin satınalınması üzrə 110284.75 manat dəyərində satınalma müqaviləsi 04.12.2020-ci il tarixdə “SSAL-2” Məhdud Məsuliyyətli Cəmiyyəti ilə bağlanılıb.
5 rayon regional yun boyaq bitkiləri tədarükü məntəqəsinə alınması zəruri olan avadanlıq, mal material və inventarların alınması üzrə keçirilmiş müsabiqədə 129 852.51 manat dəyərində satınalma müqaviləsi 10.11.2020-ci il tarixdə “BAKPRİNT” Məhdud Məsuliyyətli Cəmiyyəti ilə bağlanılıb.
5 ədəd avto yükləyicilərin satın alınması üzrə keçirilmiş müsabiqədə 288663.4 manat dəyərində satınalma müqaviləsi 27.10.2020-ci il tarixdə “XƏZƏR İNŞAAT ŞİRKƏTİ” Məhdud Məsuliyyətli Cəmiyyəti ilə bağlanılıb ki,1 ədəd avtoyükləyicinin qiyməti cəmiyyətə 57 732 manata başa gəlib.
Goranboy rayonu,Aşağı Ağcakənd qəsəbəsində layihələndirilən xalça emalatxanasının tikintisi,avadanlıq,dəzgahların təchizatı və infrastrukturunun yaradılması işlərinin satınalınması üzrə keçirilmiş müsabiqədə 2 272 186.76 manat dəyərində satınalma müqaviləsi 06.10.2020-ci il tarixdə “UĞUR TİKİNTİ” Məhdud Məsuliyyətli Cəmiyyəti ilə bağlanılıb.
Qonaqların qəbulu üzrə 48120 manat dəyərində satınalma müqaviləsi 26.11.2020-ci il tarixdə “NORT MOUNTAIN GROUP” Məhdud Məsuliyyətli Cəmiyyəti ilə bağlanılıb.
Qonaqlama xidməti üzrə 32695 manat dəyərində satınalma müqaviləsi 25.11.2020-ci il tarixdə “SUMQAYIT OLİMPİYA İDMAN KOMPLEKSİ” Məhdud Məsuliyyətli Cəmiyyəti ilə bağlanılıb.
Maraqlıdır ki,koronavirus pandemiyası ilə əlaqədər mart ayindan ölkə ərazisində karantin rejimi elan olunduğu bir vaxtda, beynəlxalq tədbirlərin belə onlayn keçirildiyi bir zamanda,həttə aviareyslərin belə təxirə salındığı günlərdə “Azərxalça” Açıq Səhmdar Cəmiyyəti hansı xarici qonaqları qəbul edərək onlara xidmət göstərib?
Xalçalar üçün xammal materialın satın alınması üzrə 214310.08 manat dəyərində satınalma müqaviləsi 23.11.2020-ci il tarixdə “KENZO 2010” Məhdud Məsuliyyətli Cəmiyyəti ilə bağlanılıb.
Orta ağır tonajlı yük avtomobillərinin satınalınması üzrə 675 007.2 manat dəyərində satınalma müqaviləsi 19.11.2020-ci il tarixdə “AZAVTOBUS” Məhdud Məsuliyyətli Cəmiyyəti ilə bağlanılıb ki,1 ədəd yük avtomobilinin qiyməti cəmiyyətə 135 min manata başa gəlib.
Oturacaqlarin sayı 28-30 arasi olan avtobusların satın alınması üzrə 717 195.15 manat dəyərində satınalma müqaviləsi 24.12.2019-cu il tarixdə “AZAVTOBUS” Məhdud Məsuliyyətli Cəmiyyəti ilə bağlanılıb ki, 1 ədəd avtobusun qiyməti cəmiyyətə 143 439 manata başa gəlib.
Qazax-Qarabağ qrupu üçün üz iplərinin satınalınması üzrə keçirilmiş müsabiqədə 284958.2 manat dəyərində satınalma müqaviləsi 14.02.2020-ci il tarixdə “QAFQAZ STANDARD” Məhdud Məsuliyyətli Cəmiyyəti ilə bağlanılıb.
Şirvan-Təbriz qrupu üçün üz iplərinin satınalınması üzrə keçirilmiş müsabiqədə 284958.2 manat dəyərində satınalma müqaviləsi 14.02.2020-ci il tarixdə “QAFQAZ STANDARD” Məhdud Məsuliyyətli Cəmiyyəti ilə bağlanılıb.
“Azərxalça” ASC-nin 11.01.2020-ci il tarixində Şirvan-Təbriz qrupu üz iplərinin və Qazax-Qarabağ qrupu üz iplərinin satın alınması məqsədilə keçiriilmiş elan edilmiş və 14.02.2020-ci il tarixində bitmiş və yekun protokol formalaşdırılmış və hər iki tenderdə qalib “Qafqaz Standart” MMC müəyyən edilmişdir. Vergidən borcu olmaması haqqında sənəd almasına baxmayaraq müqavilənin icrası zamanı riskli vergi ödəyicisi kimi müəyyən edildiyindən. Hər iki tender 10.10.2020 ləğv edilmişdir. Maraqlıdır,müqavilə bağlanarkən bu risk nə üçün nəzərə alınmayıb və səkkiz aydan sonra ləğv edilmişdir.Bəs ayrılmış 500 min manatdan çox dövlət vəsaitinin taleyi?
Qeyd edək ki,”Qafqaz Standart” MMC 2011-ci ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Nərimanov rayonu, Heydər Əliyev prospekti ev 73/5, m 45-də yerləşir. Şirkətin qanuni təmsilçisi Əhədli Çingiz Yusif oğludur.”Azərxalça” ASC-dən 570 min manatlıq tender udan Əhədli Çingiz Yusif oğlunun adı daha çox sabiq millət vəkili Fərəc Quliyevin rəhbərlik etdiyi Milli Dirçəliş Hərəkatı Partiyasının seçkilərdə maliyyə məsələləri üzrə səlahiyyətli nümayəndəsi olaraq keçir.Vidadi Muradovu bu şəxslərlə nə kimi tellər bağlayıb?
“Azərxalça” ASC-nin Zaqatala,Bərdə,Gəncə Mingəçevir, LAçın və Xocalı filiallarının tikintisi məqsədilə layihə-smeta sənədlərinin hazırlanması işləri üzrə “GENTECHS” Məhdud Məsuliyyətli Cəmiyyəti ilə ümumi olaraq 94 164 manat dəyərində müqavilə bağlanılmışdır ki,burada da şübhəli məqamlar yox deyil.İndi isə Vidadi Muradovun işbirliyində olduğu MMC-lərə nəzər salaq.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “UĞUR TİKİNTİ” Məhdud Məsuliyyətli Cəmiyyətinin 03.03.2010-cu il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, KAVEROÇKİN, ev 21, m. 9,qanuni təmsilçisinin Hüseynəliyev Rauf Vasib oğlu olduğu qeyd olunub.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “AZAVTOBUS” Məhdud Məsuliyyətli Cəmiyyətinin 02.05.2014-cü il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 1000 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, AĞADADAŞ QURBANOV, ev 91, qanuni təmsilçisinin Bağırov Laçın Mahmudoviç olduğu qeyd olunub.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “XƏZƏR İNŞAAT ŞİRKƏTİ” Məhdud Məsuliyyətli Cəmiyyətinin 29.07.2003-cü il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının BAKI ŞƏHƏRİ NƏRİMANOV RAYONU, ZİYA BÜNYADOV, ev 58, m. 8, qanuni təmsilçisinin Nəzərov Ramil Bayram oğlu olduğu qeyd olunub.
Qeyd edək ki,təqdim etdiyimiz bu MMC-lər haqqında açıq mənbələrdə heç bir məlumat yoxdur.Amma bununla belə “Azərxalça” ASC-nin İdarə Heyətinin sədri vəzifəsində işləmiş Vidadi Muradov bu MMC-lərlə dəyəri yüz minlər, milyonlarla ölçülən satınalma müqavilələri bağlamışdır ki, çox güman Respublika prokurorluğu bunlara da aydınlıq gətirəcək. Biz hələ xırda pulları demirik.
