Bu gün futbol üzrə Azərbaycan Premyer Liqasında XXIX tura start veriləcək.
UĞURYOLU.az xəbər verir ki, ilk oyun günündə bir qarşılaşma keçiriləcək. Çempionatın autsayderi "Səbail" öz meydanında avrokuboklar uğrunda mübarizə aparan "Turan Tovuz"u sınağa çəkəcək. "ASCO Arena"dakı görüş saat 17:00-da başlayacaq. Matçı baş hakim Rəşad Əhmədov idarə edəcək.
Hazırda Tovuz təmsilçisi 43 xalla 4-cü, Bakı klubu isə 19 xalla 10-cu pillədə qərarlaşıb.
Qeyd edək ki, turun digər oyunları aprelin 6-7-də təşkil olunacaq.
